Votre panier est actuellement vide !
Étiquette : Poème
-
Lou secret…
Mariage ossalois LOU SECRET…
Qu’a-t abi debinat chens n’abé counfidence :
Qu’ère maù-maridade, e maugrat lou debé,
Lous sauneys qui n’aberé pas boulut abé,
Que la biénèn troubla en mante circounstence…Qu’en s’èrem trebucats tout a fait per escas :
Qu’en s’abèn presentats per û brespé de nouce,
La baylade de la sérade qu’ère douce,
E que dansèm, per s’esta troubats ras e ras…Lous omis qu’an toustem lou tesic de pareché,
Si la hemne ou-s coumbien, û drin mèy que nou soun..
E lous mouts ta d’aco qu’arriben nou sèy d’oun !
En s’esla, tout Pouloy pariè qu’a l’air de creché !Mes adescops tabé, l’engalinè dous mouts
Qui cred de maneya, qu’ou pren beroy au pièdyé,
Si la hemne ey galante e si-s preste au manedyé,
S’a lous oelhs estelats e plasente la bouts…« Lou boste omi, en pé risca toute soulete,
N’a dounc nade yélou a-p decha hestéya ? »
« Moun Diù ! Aberi l’air d’e-m boulé ha minya
Per û loup a dus pès en queste d’amouréte ? »« You, que coumpreneri lou loup, heyte coum èt,
Si boulè desrauba la mèy beroye agnère… »
« E bous, en debisa de beroye manière,
Heret pas drin lou loup au bèt miey dou troupèt ? »« O ,n’èy pas lou troupèt qui m’a tirat la biste !
Qué souy trop près en ta-m troumpa sus so qui bèy ! »
« E you, n’èy pas brigue besougn d’en sabé mèy,
Même lou trachaman s’èy poulit quan ensiste ! »Que sabèm qu’ère û yoc !..E desempuch toustem,
La hemne qu’a sabut que s’en calè defendé,
Même quan aberé mille resoûs de-s rendé,
E de-s permetté û pas de danse per l’estrém…E la danse aquet sé que-s troubabe coumplici.. !
L’estrem n’ère pas loegn…Qu’èy pensabem tous dus..
Lous sous oelhs chic a chic, qu’ou badèn presque blus,
Mes toutû qu’ou-s bachè, en ta nou pas qu’ou-s bissi …Top bisté maridade en û omi d’ahas,
O, chens mechancetat ! Mes fantesie, nade !
Aquere qui soubén au ras d’et s’abeyabe,
Ere la qui tiéni a noeyt enter lous bras ?La noeyt de l’enlusioû que semblabe esta nabe…
E lou sauney qu’èy pec qui nou sab pas oun ba !
Qu’èy pariè qu’û pourî qui cerque a-s destraba !
Atau aquere noeyt qu’en s’entarabanabe…Lous mouts, quan soun pla dits, mensounyès a moumens,
Quan puyen a l’estiù coum ûe serenade,
Si hèn souben l’esfeyt a la qui s’en agrade,
Qu’embriaguen tabé l’autou dous coumplimens…E qu’estéy drin pergut en la bedé pergude,
Quan tout bach e-m digou : « Carat-p’en p’a-t préga ! »
E lou co que-m lancè, permou qu’en bèt youga,
Qu’abouy lou sentimen d’û mau chens remetude…Labets que s’assedoum, permou tout qu’ère dit..
E que s’en bim û drin en ta tourna sus terre,
Sustout que per l’estrém, la noeyt, beroye oubrère,
Que semblabe estigla ta nou sèy quin embit !E qu’en se digoum « Tu »..La nouce que-s fenibe..
-Ûe hemne a case tabé que m’attendè..
N’abèm pas heyt lou pas a l’estrem dou sendè,
E qu’ou gausèy parla de so qui-n s’aparibe..« Nou sèy, si per la fî m’aberés dit que Nou..
Mes goarde lou secret de la toue respounse..
Que s’èy pla lou balans quan lou co s’arrénounce
Purmè que de s’abentura per lou branou »..« Lou secret, » si-m digou-(E qui-n la hasè bère
lou soû desemparè !) « nou sèy pas mèy que tu,
Lheù qu’aberèy regrèt..Mes que-m semble toutu
Que si nou n’abi nad, que seré pire encoère.. »« E m’en bos ? »,“Sustout pas! » Nou digoum arré mèy..
E puch qu’en se lhebèm ta las darrères danses,
E qu’en s’espièm, coum quan s’acaben las bacances,
Mes lou secret, après tant d’ans, brigue nou sèy…Lou 28 –11- 2010
Alexis Arette
Esplics :
« Per escas »: locution adverbiale signifiant « par hasard ».
« Qu’en s’entarabanabe » : Simin Palay donne le sens du Lavedan très différent de celui de Lescar. Chez nous il procède de « Tara » = parler abondamment pour ne rien dire . (expression : « O, O Tare, tare» pour « Tu peux toujours discourir »). Ainsi : « Entarabana » correspond à : étourdir de paroles, ou « embobiner » !
« Desemparè »: Desarroi. ( Ne se trouve pas dans le dict ) -
PASSEYADE
PASSEYADE
Lou mes dous mourts, n’èy pas souben qui s’en arrid !
En sus de mèy en mèy, a force de bacades,
Que l’abém aqueste an, si crèy emputarit,
Hens lou temps qui s’en ba coum passen las bécades..
Tout qu’èy « cibilisat » !-Qu’a-t apèren ataù-
Goudrounat lous camis, dressat las arribères :
Lou mendré carrerot que semble û petit Paù,
Mes oun soun Diù Biban passades las cépères ?
La jussie à grande fleur Qu’an tout eschartigat, heùguères e touyas,
Etiquettat lous porcs lous moutoûs e las baques,
La lèbé nou sab mèy oun se cau ha lou yas,
E las hemnes qu’en ban, pintrades coum mounaques…
Ta proudusi de mèy, que-s cau amaneya,
Qu’èy finit de ha prose a las yoenes aulhères !
Que ban hens lous « dancings » ta s’amistouseya,
Mes oun soun Diù-Biban passades las cepères ?Quauques Claque-Manaùts, sus lous prats rénabits ,
Dab quauques piche-câs que hèn mustres encoère,
Lous autés camparous nou soun oeyre atrébits,
Que soun de malagagne ou qu’an gahat l’ourbère..
Quauques Counnes de mèy, belheù que praberan,
Lheù quauqué Bidalette oun y’a pièle d’estères,
Lheù quauqué Boussigou, lheù quauqué Catalan,
Mes oun soun Diù-Biban passades las cepères…Roustits s’èren dous bielhs, encourdats s’èren yoens,
En ta poudé adouba las sauces e las daubes,
En moulete, si nou yabè d’autes mouyens,
Tan partadya l’aram, s’èren chines las trobes,
Lou Cep qu’ère lou Rey !-Lheù dab lou Mousséroû-
Que n’y badè pertout, dinque sus las tournères,
E lous noustes guisés nou n’abèn yamèy prou !
Mes oun soun Diù-Biban, passades las cepères ?Embiade :
Escoute lou mè crit, Segnou dous Cépassès,
E per lous cassouras, e per las castagnères,
Si bos esta laudat, que-t laudéram chens cès,
Mes tournen-sé balha lou temps de las cepères !Esplics : Piche-Câs : Vesses de Loup. Claque-Manauts : Rosé des Prés.
Counnes : Coulemelles. Bidalette : Pleurotes. Boussigou : Psaliotte.
Catalan : Lactaire.A Moumas,
Lou Dimenyé 7 de Noubembré.
Alexis Arette -
Yan de la lûe.. (version béarnaise de la chanson « Jean de la lune »)
Nou sabin pas d’oun ère biengut,
S’ère dou bèt soum dou ceù cadut
Mes qu’abouti hens û bèt caulet,
Tout petit Ninet !
R
Yan de la lûe, Yan des la lûe…En dab lous soûs lebraùtoûs au pè,
Qu’èy ûe lèbé qui l’apoupè,
Chens bourassete ni trousseroû,
Ni nad baberoû…Que badou gran coum û camparou,
Mes descidat e plé de gaùyou,
E que-s loudyè hens ûe maysoû,
Heyte d’û cuyou…La Marie-Thoure e lou Rey-Pétit
Qu’ou hén a case souben l’embit,
Permou chens maù que poudè passa ,
Hens lou ségassa !Que debisabe dab lou barboù
Dab lou luserp e lou parpalhoù,
Dou petit puplé qui biù sou soù
Nad nou l’abè poù…Dab sounque û cesé que n’abè prou,
Per esdeyoa ou ta brespéroû,
D’û grâ de milh a mode de pâ
Que poudè soupa..Que coumprenè lou debis dou bén,
E per l’estiù qu’ou bedèn souben,
En dab lous griths dassén û tranglet,
A-n perdé l’alet !
Au cla de lue coum û sibot,
Lou Saùte-Brouste e lou Mandragot
Que l’apprengoun a chens sé lassa
Pla béroy dansa…Qu’esté toustém béroy apélhat,
Permou l’aragne qu’abè hialat
Ta d’et mantilhe de carnabal,
En t’ana taù bal..E qu’ou bédèn passa quauqué cop,
Hens û cataù gran coum û esclop,
Arrouségat p’ous sendès floucats
Per û pa d’arrats…Sus terre quan abou prou courut,
Que s’en tournè coum ère biengut,
E las abroungles qu’ou hen rampeù
Quan puyè taù ceù..Que-p diserèy qué s’e-m a déchat,
Drin de gauyou d’oun èy érétat,
E qu’èy souben la cante sou pot
Dou petit hadot !
La chanson française « Jean de la lune » a été très populaire dans toute la France. C’est sur une vieille mélodie d’origine inconnue, qu’en 1889, Adrien Pagès mit en paroles pour les enfants. Comme on retrouve un bon nombre de chansons Françaises quasi identiques en langue d’o, il m’a paru amusant de donner une version en Béarnais de « Jean de la lune », qui n’est pas une traduction, mais qui reprend le thème du merveilleux. Elle peut plaire aussi aux grandes personnes qui ont gardé un peu de leur âme d’enfant.
Alexis Arette (Le 1 Septembre 2012)Esplics : Camparou :Champignon des près. Tranglet : Son de cloche. Extensivement : refrain. Sibot ou Sibrot : Toupie. Saùte-Brouste et Mandragot : Lutins.Hadot ou Hatot : Enfant de Fée.
-
En taus amics (poème d’Alexis Arette)
Dinqu’adare lou temps aùruguè-, si-m semblabe,
Qu’en ba de pous, de mèy en mèy,
Qué fout lou camp coum si n’abè mèy nade trabe,
Permou qué loun péguè n’a pas tapoc si crèy !Acabalat sou temps, lou Péguè qu’espéroûe,
La hourrère dous aganids,
E qu’èy û chapelet maledit qui desgroûe,
Dies negrés e marfandits…La Brouche de ségu, dab babasse dou harri
Qui counserbabe a l’estuyoù,
Qu’a counyurat l’Iher de ha loun soû missari !
E lou ceù esbariat qu’a l’air d’esta de doù…Mey lous pèpis e criden « Pats ! », mèy qu’èy la guerre !
Lous maynads d’Abraham qu’en soun a s’escana !
E lous banquiès a la tournère,
Qué-s coumplasin, puch qu’èy ta d’ets qui-s ban sanna !Que prouclamen : « Humanitat, Prougrès, Yustici,
E ta l’omi-Diù, Libertat ! »
E qué liùren la hemne e lou maynad aù bici,
Permou qu’an descidat que nou y’a mèy pécat !Que caù sabé pana ta debiené ministré !
Que caù emputari-s enta serbi l’Estat !
L’arridère ? Qu’èy ou salope ou bien sinistré,
E qu’an lou cu malaù per l’abé trop prestat !Lou Président, qu’èy franc coun l’asou qui recule,
E lou poudé qu’ou ba coum la sère en û porc.
Mes n’an pas oeyré que la gule,
Lous remplaçans qui-ù bouleren bedé au pihorc…A touts aquets, qu’ou-s an coupat la pendérilhe
En cas que poudousse ariqua-s !
Coum aco remédiats, nad yamèy nou reguilhe,
E que-s couquen, oun lou Meste dit qu’an lou yas …
Si, coum porcs arpastats, e-s peléyen la tosse,
-Permou que de-s harta n’an yamèy prou !-
Toutû, ta d’ets tabé que badalhe la hosse,
Souben de s’abé trop garnit lou préserou !Aù serban, qui sou « Confitéor » trébucabe,
Û curè que disè, « lheù qu’a-s troubat û brounc ? »
Per lou brounc, aco ray ! Mes lou qui-n se cagabe
Aù caùleta, que caù que netéyé l’estrounc !Qué deberen parti, lou cu flingat d’arrames
Dab quauqués brocs, gaha lou trot cagnè de pous !
En dab la couhe enter las cames,
Dab aù benté en desgasalha, quaùques agrous !Permou que lou goubern qu’a boeytat la barrique !
Adare que n’em aùs ahèts !
Que ba calé bébé piquette e minya mique !
Qu’èy fénit carnabal oun debersèn crespets !En ta dus mille doudzé e sera l’escadence ?
Douma, n’a pas encoère heyt arré !
Qu’abem abut deya tant e tant de pacience,
Que-n poudem abé mèy, quan lou diablé seré !Permou qu’abem nous auts, lou secret d’ûe loengue
D’oun n’abém nad mercés a disé aùs hore-pèts !
E lous bers dab lous bers qui hen canta l’arrengue,
Qu’en mesuren bercets qui soun toustem nabèts !Que crèy que n’ey prou dit, mes si caù que m’arresti,
Que dic, en ta la caritat perpétua,
Que baù mielhe de qué perdouné-m a la besti,
Enpurmè que de la tua !« Drin de hounte, sou-s diséram, qu’èy leù passade »
Si-n se tournen,- E perqué pas ?- desengrabats…
Mes a bous, lous amics, que disi : « Boune anade !
Dieù que-p gardé balens, en ta d’autés coumbats !A Moumas, lou purmè die de l’iber
Alexis Arette
-
« Au casau de ma yoentut » de Yantin deu Chapelot
Yantin deu Chapelot (alias M. L’abbé Roger Larrouy) vient de sortir un CD « Au casau de ma yoentut », composé d’une douzaine de ses magnifiques poèmes en béarnais.Le moins que nous pouvions faire avec les chanteurs et tous les acteurs béarnais et gascons locaux, qu’il a tant aidés et qu’il aime tant, c’est d’en parler autour de nous.
Ce disque restera un beau témoignage de notre patrimoine de cette langue gasconne qu’il maitrise comme personne.
Il faut préciser que les droits et les recettes seront entièrement versés à des associations humanitaires luttant contre des maladies, preuve s’il en fallait encore une, de la générosité dont a fait preuve Roger toute sa vie…
CD disponible auprès de :
– Alain Baillinou 05.59.61.41.80 (Bénéjacq)
– Roland Poeychicot 05.59.33.02.72 (Morlaas)
-
Dét sé qui you te biy
Dét sé qui you te biy se t’en soubés, miguéta?
Que yèram en sétéme a’ra tèbya hayléta.
Miguéta se t’ soubès d’aquet punou qui t’ hiy
De tira quan te biy?Bèra, be ‘n yèras bèra,
Touta descaperàda en arràuba estibèra !Poutiu ! quan t’ategnouy pets branquets be cantàba
Maria-chourra è dap Youan-pinsâ be sàutaba,
E dap quàuque Bédorla et luzen Cot-arrouy
Poutiu ! quan t’ategnouy !Qu’ayém éra embezèra
You couma bét auzèt è tu couma ûa auzèra.Despuch que t’èy èut goy, è péra to bouquéta
Qui s’en arréch tan biste è péra to tuhéta ;
O ‘ra me préférida at touchet tan beroy,
Despuch que t’èy èut goy.MIQUÈU CAMELAT-1896. -
Noël
Ma muse ce soir est absente !
Elle a fui ! Ce n’est pas souvent…
J’ai beau frapper au contrevent,
Rien ne répond à mon attente…Comment répondrais-je à ces voeux
Qui s’accumulent sur ma table ?
Ou trouver la formule aimable,
Lorsque le ciel se fait grincheux ?Mon coeur est plein..Ma tête est vide :
Sans ma muse je ne sens nu :
Je n’ai que des mots convenus
Qui font des phrases insipides…C’est ma faute je le conçois,
Si, me laissant dans la déveine,
Ma muse cour la prétentaine !
Comment ne compter que sur soi ?Oh, je sais bien la mécanique
D’aligner des mots cadencés,
Mais je ne les sent point danser,
Pour le discours ou la réplique !Voila pourquoi ma tête est lourde !
Et oui, le vide pèse aussi !
D’être pleine de mon souci,
Je la sens comme une cougourde !Vais-je me traîner jusqu’au chai
Pour chercher dans une bouteille,
Ce qui fait que l’on appareille,
Loin de l’ennui qu’on remâchait ?Mais non voyons, que je suis bête !
J’ai oublié que c’est Noël !
Jamais on ne vit rien de tel
Pour enchanter notre planète !Et déjà je ne sens moins sot :
Non, ma muse n’est pas volage :
Me devançant pour rendre hommage,
Elle est la-bas, près d’un berceau…Momas le 23 Décembre 2010
Alexis Arette -
Cu d’an..
Amics, l’an qui s’en ba, n’èy pas la fî dou moundé !
Benalèyes, trebucs, patacs, en dap aboundé,
Autan coum s’en y bi, qu’en bederam toustem !
Toustem ta la yoentut, lou temps qu’èy û lè nobi,
E si boulem sauba lou moundé de l’ahobi,
Qué ba calé, drin mèy encoère que si hem !Las esteles s’an dit, qu’escribin sus la terre,
Lou destî d’û cadû dinqu’a l’ore darrère..
Mes entertan, qu’arpatéyam, que hèm pérém !
Per dus milles ans d’autés lugrâs qu’en se hèn sinné,
Mes tan se destraba, e que l’esprit e pinné,
Que ba calé drin mèy encoère que si hem !Dusquantes qu’an lou cap pergut de ninaroles !
Qu’an boulut apoupas a d’estranyés escoles,
Mes nous, d’aquere leyt de saume, nou-m boulém !
Que n’a heyt tripe-harts, mes bestis coum arrasclés !
E taus balha l ‘arsec de tourna badé masclés,
Qué ba calé drin mèy encoère que si hem !Certes, dous coumberti, qu’abém grane tentèri,
Mes pourta lou péguè tau clot dou cemitèri,
Chens que tourné praba, cau pas trop qu’èy rèbém !
Permou, taus apoudya, la bie qu’èy estréte,
E sounque soulamen ta la counserba dréte,
Que ba calé drin mèy encoère que si hem !Embiade :
Prince de las bertuts qui sabém las de case,
Ayudat-sé ta la ha balé per l’estrem !
Permou qu’en ta tira l’eslame de la brase,
Que ba calé drin mèy encoère que si hem !St Maixent – lou 17 dou mesMourt
Alexis Arette -
Lou temps de l’Aubos..
Segu que passerèy pucha que tout que passe..
E lheù chens a-t sabé, que souy presqué passat !
Qu’èy l’eschère souben qui reclame l’escasse,
E que m’an de pertout quan de cops pédassat !Ségu, permou dou malandrè, nou-n baù pas bisté,
Qu’en baù toutu, chens que m’estangué lou miscap !
E tout en han semblans de nou pas esta tristé,
Que hèy de bets passeys… au men hens lou mè cap…S’arribe, coum an dit, la sayesse dab l’adyé,
Que-m semble abé coumprés, per delà l’enlusioû,
Que lou temps d’exista, qu’èy lou d’apprentissadyé,
Mes que y’a drin mèy loegn l’assès de la maysoû..Qu’èy biscut per lou hoec d’oun l’estele s’abite,
Qu’èy biscut per l’aurey qui hè dansa l’ausèt,
Qu’èy biscut per la hount oun l’aygue s’esperlite,
E la terre qui da lou blat toustem nabèt..Qu’en s’an crucificats sus las quaté mabences,
Oun lou tribalh hè chic de place enta reba,
Enter las amistats e las mariboulences,
L’omi que s’esdebure… e nou sab goère oun ba …O ségu qu’èy bertat que nou y’a pas enyence,
Si nou s’abrasse pas lou Pay en dab la May !
Pucha qu’en s’an semiats, qu’èm lheù tabé semence ?
Mes qu’abém lou regrèt dou beroy mes de may..« Nou-t dèches pas yumpa per lou temps qui s’escape,
Coum la yoene maynade au truc de l’anyélus,
S’escapè, quan dou ceù lugreyabe la cape,
En te dechan au co quan de nuadyés blus… »« Au briù ,que t’a-s trempat lous pots, a la courrude,
Mes l’andade ou bebous deya loegn que s’en ba..
Qu’a-s alétat l’estiù sus ûe gorye nude,
Mes l’aram d’û moumen lou ben qué l’escouba… »Mes tout aco qu’esté ! Si nou-n sabém l’encaùse,
-La canille nou sab que sera parpalhaoù !-
E l’amou per moumens assi bach quan s’apause,
Si-n se trobe au sou grat, qu’en s’apoudye t’oun boù ! »« Anem! Prou de pensa ! l’aube que gouyateye! Desplegue-t bielh apè ! Segoutech-té lous os ! Hè semblans de nou pas esta lou qui s’abeye, Même si lou tou temps ey lou temps de l’aubos…
Lou 9 dou més mourt .
Alexis Arette -
Quan reguilhe lou co..
L’omi qui-s cred douat en ta ha politique,
Lou prégoun dou sou co, qu’ou deù biste abouelha,
En glapa tout matî chens cragné la coulique,
Û bolou de crépauts a mode d’esdeyoua..Bah ! que n’èm touts aquiù dous sapous e dous haris !
Quan de mesprès e cau debersé en minya « chou ! »
Hens û moundé plé d’arneguets e de hourbaris,
Qui-s merite l’escoube e lou cop de tourchou..Mes aquet moundé ensabatat, qu’èy tabé nousté,
E s’èy risquam la gale en dab lous sarrampics,
Oun se trobe estacat, l’asou que cau que brousté,
E que s’y coumplasem en dab quauques amics..Mes tan sé garanti, nou y’a targue prou laryé !
Alabets, tè, que cau gahas l’espade a doublé talh,
E lou coumbat, nou cau pas, perdiù, qu’en s’esbaryé !
Mes pesantes qu’en soun, las herres de l’armalh !Que n’èy dou co en ta nou pas que s’esbrigalhé ?
Tau garanti, èy chens danyè de l’embarra ?
Debat û badalhoù, qui-n cau que s’a-t espalhé ?
Yamèy û co n’a poudut bibé en se cara !La pèce de l’armalh sou mè co que pésabe,
Tant et tant, que nou l’èy poudude suppourta !
Qu’èy dit « Tant pis, si quauqué sayete e-m punthabe
E s’èri trop estros ta la poudé escarta !E qu’èy estat ataù ! O de segu, l’espade
Que l’èy heyte truca chens m’en arrepenti !
Mes qu’en talhèy tabé la cape de parade,
En ta la partadya coum hasou Sent-Marti..Mes lou co nou cessè, en mante circounsténci,
Oun m’empourtabi drin de-m crida « Caritat ! »
D’et, qui nou counégou yamèy mariboulenci,
Si sabèt qui-n lous désestrucs n’an proufieytat !Que l’èy trettat de tout : de pèc, de cap d’estère,
D’esturonou, de faire foutre e d’anipeù,
D’arrépropi, de Mau-badut et d’arroumère !
Qu’ou hé pariè qu’û escoupit decap au ceù !Et pourtant, qu’èy tout esmoustat de cicatrices !
A crédé qu’a prabat après cade esperec !
O Brouche dou mau-dat, mèy hort e l’esperisses,
Mèy l’arrose qu’a l’air d’eslouri de l’entec !Lous bielhs qu’a-t an pla dit, o brouche : « Lou qui cante,
Qu’encante lou sou maù : Ataù de cade plagn,
Et que cantè tant hort, que n’a herit l’espante,
E que crèy qu’en ta tu qu’a quauque drin d’argagn !Segu, toutû, que l’aberas la pèt û die !
Nou ya blad qui nou n’èy toucat per lou cussoû !
Mes et, per esprouba l’amou qui remédie,
Que sabéra mouri-s sou briù d’ûe cansoû…Lou 22 de Noubembre a Moumas.
Alexis AretteEsplics:
Aboelha, ou agoelha ( termes proches dans la région de Lescar) : Combler (Aboelha û hourat) Le dict. ne donne qu’un sens dérivé, soit « ouiller » qui est le fait de combler un fût dont le vin s’est évaporé. Le verbe à un nom dérivé :
Ahoalhes etc : C’étaient les lattes, ou les barres de bois que l’on entretoisait aux dents des herses, pour diminuer la pénétration du labour, et éviter les grosses mottes. L’opération contraire se disait « Da herris ! » Mais il avait un dérivé coquin : soit pour un même, redoubler d’efforts pour faire un enfant
Ensabatat : vient de Sabat : Subir l’emprise du démon.
Targue : Targe, Bouclier, défense :(Hiqua-s en targue !)
Armalh : Armure. Ensemble d’armement.
Esturonou :(premier o accentué) : aussi dégourdi qu’une souche .(Manque au Dic)
Anipeù : (probablement a l’origine :épouvantail) mal nippé, lourdeau.(Manque au Dic.)
Argagn : Mepris, moquerie.
Cùssoû : Bruche , divers prédateurs des céréales.
